حمد البريدي مشينا ياخفوقي

**ابوالعنود** الثلاثاء ديسمبر 25, 2012 7:28 pm

مشينا يا خفوقي .. لا عقبنا شـر يـا الغاليـن
مشينا لو ظـروف الوقـت بياعـه .. وسوامـه !!

مريض الشوق .. ما يبرى ابد والصد علمه شيـن
يا كبدي .. للغرام اللي زمانه بالجفـا .. ضامـه !!

سريت فموتري .. ضايق .. ولا ادري ليه ولا وين
بليل / ممطر ٍ / مظلم / وقلب ٍ يشكـي هيامـه !!

يضيق الجاش .. ودموعي تهامل عين تبكي عيـن
وقعدت اشغل المساح .. احسب الماء على الجامه !!

على قاع الغلا .. دورت له مشفي .. وأقول اسييين
على وقت مضى .. من قبل لا ينكس لي اعلامه !!

شهذاهو خطهم مسفـي .. ويالله يالله انـه يبيـن !!
وانا في ذمتي .. قدني بخيـس فخطـة اقدامـه

قهرني الوقت .. ما عينت لي .. درب يجيه الحيـن
نساني صاحبي والظاهـر انـه غيّـر ارقامـه !!

عذابي .. والبلا .. غرو .. يجر الزين تلو الزيـن
عيونه روق .. وفي يمنى الخدود .. تعين الشامـه

يا ربي رحمتك والعفو .. من ذنب ٍ يرد الديـن !!
على شحنة شرف .. فيها النقا عهـده وابرامـه !!

عرفته .. وابتدى حب ٍ يخلد للزمـان .. ثنيـن !!
ولا قد نلت منه غير .. شوف / ومسكة ابهامـه !!

احبه لو خذاه البعد .. في رجوى الظـروف تزيـن
ما دامه غاية الدنيا .. وحـب القلـب واحلامـه !!

الا ياللـي تمرونـه .. تـراه مخيـر فثنتـيـن !!
يجي ونسـج ممـا فـات / ولا الـدرب قدامـه
ابوالعنودِ