حمد البريدي النوايف

**ابوالعنود** السبت مارس 09, 2013 2:39 pm

أيه والله احبه وقلبي مسايف
من العذول وهرج الناس للناس

أيه والله احبه ولاني بخايف
الا الفراق وقلب مغليه حساس

يشوقني مرباه واجيه طياف
يردني سمى العرب بس لاباس

صوته وزين حكاه فنجان كايف
يحي عروقن من جفى الشوق يباس

وغلاه برقن لاح فوق النوايف
وهواه كسرت عود لافرحت الراس

لاجيت افارق به عيون الولايف
كل الجواهر تحترم فرق الالماس

امد شوفي له ولاني بشايف
الاقصر شيخ وباب حراس

ربعه يمانيهم سيوف وهايف
وجداله اللي من على قب الافراس

في لجن عينه ربح وماله وصايف
يجيب موتكك ليل منكف جساس

حتى ايش لو خصره من الجوع هايف
ماتزينه الاباس هو زين الالباس

قولوله ان قلبي من القيد عايف
قولوله اني له على قطع الانفاس

قولوله انه صدق والغيره زايف
قولوله انه ربح وفراقه افلاس

وصوا عليه ان الضلوع النحايف
معاد فيها صبر والقلب محتاس

يجعاني فدوه طوايف طوايف
ابيه وامه والقبيله من الساس

اليا زعل ضبي من الرمي خايف
واليا رضي شيخ يهنا بنوماس

واليا تبسم من حلاة الشفايف
كن هي تصدق تبسم على الناس

ابوالعنود