حمد البريدي لاتهملني

**ابوالعنود** الإثنين ديسمبر 24, 2012 6:03 am

لا تهملني ترى الفرقا ضياع
يا معنيني على ممشاي له

أتبعك في كل درب وكل قاع
والتهي في ناظرك و أخايله

قد معاليقي على شوفك جياع
والمحاني من مزونك سايله

ماكرهت من الحياه الا الوداع
وما عشقت الا الورود المايله

وانت وردك لا يسام ولايباع
وعادني لاجل الوصال احايله

ياحبيبي افرد لوصلي شراع
كل نظره من عيونك هائله

نطرد الدنيا ودنيانا متاع
لعنبوها من حياة زائله

ضمني لبى المضاليل الوساع
امتلا جوفي بشوق شايله

الدليل اني احبك باقتناع
ان حبك سر ماني بقايله

وان قلبي يعشقك حتى النخاع
قبل يدري بك وباسم العايله

نصف عمري من قبل ماجيك ضاع
لا يضيع اللي بقى يا نايله
ابوالعنودِ