حمد البريدي كثرت في غيابك

**ابوالعنود** الثلاثاء مايو 14, 2013 6:55 am

كثرت في غيابك لكن هنى وصحوح
ياللي مغرقني ولافيك مينا
الد بعيوني على السيف وانوح
وموج الجفا يحرق ولاعاد دري
صح انك اللي تارس قلبي جروح
وصح انك الي في الهواء ابتلينا
لكن احبك محبه من الروح
حب العرب في مصر لتراب سينا
قلبي من همومه وطاريك مذبوح
وانا وعيني من فراقك بكينا
لاصار حبك جرهدي قيض وسيوح
مابه رواه في ذمتي لاضمينا
اصد بدموعي من الناس ولاابوح
بس الدموع تبوح لو مابكينا
ياقلبك البارد ترى قلبي يفوح
ولوان قلبك فاح مارخصت فينا
وش حدك لهجر على غيرمصلوح
ماذا بجزانا عقب ماحنا وفينا
عج الغياب بوجه لامال مكتوب
والبعد ذباح شوقنا مادرينا
ترىالهواء اخذ وعطا يامنى الروح
يازيني الله وش خذيت وخذينا
ﻻخطيت ثم جيت اعتذر قول مسموح
وحنا بشر لوﻻ العذر ماخطينا
مهوب تزعل كل ماضقت وتروح
وتهدم بلحضات الغضب مابنينا
كانه دلع ياعزتيلي من الصوح
وكانه غلا فديتينا كلبينا
نذر علي ماعاد في خاطري جروح
إﻻعسى ربي عليك يهدينا
باب العواذل لاتخلييه مفتوح
ودرب المفارق ﻻتحده علينا
اجرح خفوقي لين ماتشبع جروح
وانا وقلبي في عذابك رضينا
ابوالعنود