حمدالبريدي طمن قلبي

**ابوالعنود** الأحد مارس 17, 2013 7:26 pm

رقمي تعرفه عدل واسمي على شفاك
اقل حاجه طمن القلب لاابطيت

من اول اليا غبت ردك لي رضاك
والحين مر اسبوع ماعاد دقيت

ومن اول تسلم علي وتخفاك
والحين لاسلمت ماعاد رديت

قلبي يقول :انه جحدك وتناساك
واقوله ياقلب غلطان واخطيت

وقول لابالله قاسي وبكاك
ويسد نفسك بالعشاء ماتعشيت

مدري وش بلاني فيك والا انت وش جاك
اذا الحشا لك درب والقلب لك بيت

بيحت لك سدي ولا هوب بخفاك
اني علي شانك خسرت وتحديت

ازعل ولا حاكيك اقول بجفاك
والي اشتقت لصوتك العذب سجيت

شفت اني احبك ؟ولا اقاوم حكاك
لاني بحبك مالعبت وتسليت

من يوم ماقفيت ذكراك
وشفها معي من وين مارحت واجيت

لاطروا اسمك بالحديث اتفداك
ولادعو باسمك مع الناس لبيت

ليتك تعرف القلب وشهو تمناك
ماكان حتى لوازعلك صديت

محتاج لعيونك وصوتك ولاماك
ومتعوب من صدك وبعدك وحنيت

فناولني انفاسك وبسمه شفاياك
مبطي وانا من شوفتك ماتقهويت
ابوالعنود