حمدالبريدي هملتني للحزن

**ابوالعنود** الخميس يناير 31, 2013 10:37 pm

هملتني / للحزن / والعبره / وليلي / الطيوف !!
وخليتني ما بين لوعات .. ( الهموم الاربعه )

حزن ٍ / غدا طابع حياتي كل ما اغمض واشوف
مدري هو اللي كان يتبعني أو اني اتبعه !!

والعبره الي هلها رجال وسبه هنوف
ليلة مساء ذاك الوداع وهل صافي مدمعه

وليل ٍ / بدونك .. ظلمته (غربه) ولحظاته (سيوف)
تقطع جدار الصمت .. في صدري وتمشي بضلعه

وطيف ٍ / يداعب خاطري حتى وانا بين الضيوف
ومن قال وش بك يا ولد .. سرحااان .. ازيت اقنعه

وش باتعذر به !! وانا مابين هم .. وبين خوف
وشوق .. يغايض قلبي المجروح حتى ينزعه

لو انها بالزين .. كان الزين من غيرك الووف
المشكله .. ( حب العمى ) .. يا جعل ربي يقلعه

ان ابتعدت آموت هم .. وكل ما جي لك شغوف
كنك تعمد ( ضيقة الخاطر ) .. ولو فيها سعه !!

اواه يا قلب ٍ تركته لك !! على بيض الكفوف
واللي مهو يصدق !! على كفك يلاقي مصرعه

تشوفني وتصد مني.. لا !! ولا كنك تشوف !!
تقدر على وصلي واحسك قدك ناوي تقطعه

تقول صبرك !! والصبر ليته يبرد حر جوف
اسهر ليالي البعد .. لين الفجر .. يبلج مطلعه !!

(( غيابك القاسي .. وباقي لهفتي واقسى الظروف
ما غيرت قلب .. ما هو يبغي تكون .. إلا معه ))

إن كان ربي كاتبك لي .. فأنت لي .. رغم الانوف
واذا القدر ما عاد ردك .. يستحيل ان امنيا !!

انت .. ومشيت وما عرف وشهي نهاية ذاالصروف
وصوتك / ما انا بداري .. هو ربي كاتب ٍ لي اسمعه

لا قدك ناوي ترحل بقلبي معا بيض القنوف !!
قلب ٍ خذيته من صدر راعيه .. تكفى رجعه !!
ابوالعنود[center] [b]