اهداء خاص لك ياشيخه

البارحه مانامت العين عزاه=عزاه ياقلبٍ تولع بشيخه

ماطاعني قلبي وانا دايم انهاه=واقول له ياقلب تكفى شيخه

ويرد قلبي بالتنهات والآه= ويقول لي موتك ولابعد شيخه

انساه لاوالله فلايمكن انساه= شيخة بنات وزود في الطيب شيخه

ياعاذلين القلب قلبي تبلاه= حب الهنوف الي تسمى بشيخه

ماني بمن لامه ولا يمكن انهاه= اشفق عليه شوي من طبع شيخه

هي موجعة قلبي وهي داه ودواه= ياليت شيخه تنتبه ليت شيخه

يلي تشمّت بي عسى عمرك فداه=وماصاب قلبي فدوت عيون شيخه

نادى علي بالصوت واقول لبيه= لبيه ياأميره لقلبي وشيخه

عايش على ذكره وعايش لرجواه= وافز من نومي وانا اقول شيخه

ادراه واداريه من كلمت اعداه= شهيد حبٌ والسبب بعد شيخه

خلقه جميلٍ والحلا في محياه=الا الحلا كل الحلا صار شيخه

من شافها لابد ياتي من اقصاه= ويعد طبلونه على درب شيخه

وجدي على شوفه وقربه ولاماه= لو كان مره بالعمر شفت شيخه

راع الهوى لازم يعيش المعاناه= والله يعين اللي عشق مثل شيخه

مجنون ليلى تسأل الناس وش جاه=الأ اسألواأبوالعنود مجنون شيخه

مانسيتك يانظر عيني بس هذا طلبك لوبكيفي ماطعتك بس ماحب ازعلك
والله انك على االبال كل الحين ياشيخه وان نسيتك جعل الموت ياخذني
انتي الحكم علي بقسوه مادري ليه (الخوف من الله)....موجوود لكن نصبر ونقول الامرلله
ابوالعنود