احبك ثم احبك (من اختيار شيخه)

**ابوالعنود** الثلاثاء فبراير 05, 2013 4:13 am

احبك كثر ما قد صار احبك رغم ما قد ما صار
احبك كثر ما دنيا الزعل والصد مهجورة

احبك كثر ما تمطر بصدري من غلاك أمطار
احبك كثر ما صارت أراضي العشق ممطورة

احبك كثر ما تفتح شبابيك الربيع أزهار
احبك كثر ما غنت عشان الصبح عصفوره

احبك كثر ما تاقف على جنب الطريق أشجار
احبك كثر ما يقسى الشتاء وتهاجر طيوره

واحبك كثر ما في الأرض بنت تلفت الأنظار
واحبك كثر ما يرتاح عطر بصدر مغرورة

احبك كثر ما جاب المساء في معطفه زوار
احبك كثر ماجانا صباحن يشبهك نوره

واحبك كثر ما تهدي كفوف الوصل من تذكار
واحبك كثر ما شالت يدين العاشق زهوره

احبك كثر ما نقراء عن الفارس عن المغوار
احبك كثر ما نسمع ولا شفنا ولا أسطوره

احبك كثر ما تلعب بدنيا العاشقين أقدار
احبك كثر ما .. ذا الحظ دايم **** قصوره

احبك كثر ماعاثت رياح بحسبة البحار
واحبك كثر ما البحار يعشق نسمة بحوره

احبك كثر ما يحلف اللي منشغل بأعذار
احبك كثر ما في الناس ناس بجد معذورة

احبك كثر ما ملت قصايدنا من التكرار
احبك كثر ما الشاعر تمنى حب جمهوره

احبك كثر ما شفنا على وجه الزمن آثار
احبك كثر ما فالارض فقر وناس ميسوره

احبك كثر ما دارت بذهن الحالمين أفكار
احبك كثر ما في الخير ناس بالخير مذكورة

احبك كثر ما نرمى حكايات الحطب للنار
احبك كثر ما قلنا عن الاحوال مستوره

احبك كثر مانجهل متى توقف بنا الاعمار
اجبك كثر مانسمع حكايه حب مشهوره

احبك كثر ما ضاق السجين بلعنة الأسوار
احبك كثر ما هاج البحر واجتاحته ثوره

احبك كثر ما ننسى واحبك كثر ما نحتار
احبك كثر ما يسهر محب وفي يده صوره

احبك كثر ما تقطع شفاتك في العسل مشوار
احبك كثر ما خدك يخلي الشمس مبهورة

احبك كثر ما روج عليك الحسن من أخبار
احبك كثر ما صدرك يدوخ الورد بعطوره

احبك كثر ما في عينك من السحر والأغوار
احبك كثر ما فيك الغلا ما وفت اقصوره

واحبك والزمن ساكن واحبك لو زماني دار
احبك يا مدينة حب وسط الصدر معمورة

احبك والتفت شاعر لعينك وامطرت أشعار
حلف ما يمسى الليلة قبل ما يكتب شعوره
ابوالعنود